پی ٹی آئی نے سینٹورس مال آتشزدگی میں سازش کا شبہ ظاہر کردیا

 مال کے مالک آزاد کشمیر کے وزیراعظم ہیں، علی امین گنڈاپور اسلام آباد: پاکستان تحریک انصاف (پی ٹی آئی) نے اسلام آباد کے سینٹورس مال میں آتشزد...

 مال کے مالک آزاد کشمیر کے وزیراعظم ہیں، علی امین گنڈاپور

اسلام آباد: پاکستان تحریک انصاف (پی ٹی آئی) نے اسلام آباد کے سینٹورس مال میں آتشزدگی کے پیچھے سازش کا شبہ ظاہر کردیا ہے اور کہا ہے کہ پارٹی اس کی تحقیقات کرائے گی۔

اس کثیرالمنزلہ عمارت کی چھٹی منزل پر واقع فوڈ کورٹ میں اتوار کو آگ بھڑک اٹھی تھی جس کے بعد دھویں کے بادل اسلام آباد میں دور دور سے دکھائی دیئے تھے۔ آگ پر چند گھنٹوں میں قابو پا لیا گیا۔ اس کے بعد انتظامیہ نے عمارت سیل کر دی۔

تاہم پی ٹی آئی رہنما علی امین گنڈا پور نے اتوار کی شب کہا کہ ابھی معلوم ہوا ہے کہ حکومت پولیس پر دباؤ ڈال رہی ہے اور پولیس پر سینٹورس کے مالک، فیملی پر ایف آئی آر کاٹنے کا دباؤ ہے۔

گنڈا پور نے کہاکہ مال کے مالک آزاد کشمیر کے وزیراعظم ہیں، ہم واقعے کی تحقیقات کریں گے، کیونکہ ہمیں اس معاملے میں سازش کی بو آرہی ہے۔